Vott! Jippi!

Eg har ein liten gut som syns det er fryktelig stas å gå i barnehagen. Barnehagen, jippi! ropar han når me kjem ut av bilen og han ser porten. Men han syns (heldigvis) det er like stor stas å bli henta igjen.

Og eg ser jo at dei fleste som blir henta i barnehagen er ganske slitne og kanskje litt lite samarbeisvillege når ein skal kle på. Men ikkje på mitt fang. VOTT! JIPPI! ropar han og slenger på ein tjohooo! etterpå før han held fram hånda. Sånne gutar er det kjekt å strikke vottar til!

Her er siste modell i litt sprelske fargar no når me drøymer om vår. Desse er store nok til å vare neste sesong også, det er kjekt :)

Dei er strikka i Malabrigo farge Lettuce og Wollmeisse We are different Gonzales.

Reprise

Eg strikkar sjølv om eg bloggar litt lite for tia. Desember har vorte innspurtmånad for meg, og då blir me selvfølgeleg sjuke både store og små. Er det ikkje typisk? 

Då var det greit å strikke ein reprise til kategorien julegåve, ein kvit versjon av vaffelhua. Bildekvaliteten blir nå so som so no når ein er på arbeid medan det er lyst.  Hua er strikka i Incawool som passa veldig godt til dette mønsteret. Mjukt og godt! Eg nytta nesten eit heilt nøste. Hua er veldig fint gåvemateriale då den er relativt kjapp å lage men ser imponerande ut, særleg for dei som ikkje strikkar sjølv! ;) Når julegåveperioden er over skal eg strikke denne hua til meg sjølv også. Men den er ikkje brukandes nett no her eg bur, det må bli ti grader varmare først trur eg!

Hodeplagg

Det har vore stille frå denne kanten ei stund no. Men det er ikkje avdi eg ikkje har strikka. Det er avdi at eg har drive med sjonglering av litt for mange prosjekt på ein gong. Det er har gjort på strikkefronten er å lage ei lue og eit pannebånd. Lua er allereie avlevert som bursdagspresang og den fallt i smak! Det er Pickles si vaffellue, kjempekjekk og rask å strikke. Eg klarte ikkje la være etter å ha lest Strikk og Tøys sin erfaring med oppskrifta. Garnet ho brukte har eg sikla på lenge hos garnlangaren min, og denne fargen her var berre heilt utruleg nydeleg! Dette er Tinde frå Gjesdal, farge nr 812.

Pannebåndet er frå Garnstudio og oppskrifta finn du her. Eg har strikka det i Pickles sitt organisk Alpakka. Det går i julegåvehaugen. Eg har gjort ei endring på oppskrifta, og det er at eg har strikka det med ei mindre auke slik at det ikkje vert fullt så breitt.

Neste prosjekt som er på pinnane er ein vill vest frå Pickles.no. Det er også eit julegåveprosjekt.

Eskimohelg!

Etter mykje tynt garn og mange strikkeprosjekt som krever tålmodighet var det på tide med ei helg der eg fekk produsert litt! På fredag handla eg difor inn Eskimo frå Garnstudio i nydelege lillafargar for å lage litt julegåver. Eg er utruleg glad i Eskimo, det er så varmt og gir så mjuke og ikkje minst varme plagg til Trøndervinteren! Og så er eg veldig glad i fargekartet også. Helga endte opp med ei julegåve som er 80% ferdig og avventar garninnkjøp i morgon, og to ting til meg. Kremt. Dei vart berre så fine! Og kvelden er enda ung.

Denne her for eksempel? Denne skulle bli julegåve til svigerinna mi. Men eg må kjøpe nytt garn og lage ei til henne seinare, for denne har eg berre i kjedelige muldvarp sjølv, så denne måtte bli mi. Godt det er snø og meldt kaldare dei nermaste dagane så eg får brukt den! Dobbel Eskimo er nemleg noko som berre passar når det er blå grader.

Blits gjorde fargen litt meir rosa enn den egentleg er

Det er denne fargen som er mest naturtro

Julegåva som eg egentleg skulle få unna denne helga hadde eg ikkje nok tråd til då eg ville lage det ekstra luftig og kjørte på med pinne nummer 15. Det skal bli eit sjal som er varmt nok til å holde kulda unna når ein er ute i snøen med ei ivrig lita ei på 1,5 år! Då må det være eskimo. Så då må eg tilbake og kjøpe meir garn i morgon. Triste greier! Kremt. Då tippar eg det havnar tråd i posen min til denne hua som Strikk og tøys frista meg med! 

Julegåva ligg fint og ventar på toppen av to av mine garnkassar. Er ikkje fargen flott? Eg trur det blir stort nok, gitt! Oppå ligg eit av mine fire nøster delight som eg ikkje klarar å finne ut kva eg skal bruke til. Hmm..

No sit eg med siste omgongane av eit pannebond. Eg har jo langt hår og har ikkje noko varmt pannebånd til dagar med hestehale, så då brukar eg opp resten av garnet frå lua med ein gong like så greit. Breitt og varmt og lilla! 

Så gjeld det berre å finne eit nytt prosjekt å starte på, for det må være noko raskt sidan dette gule nydelege Picklesgarnet litt og ventar på meg på posten! I morgon kveld er det klart for Bestemorkorghekling! Hurra! Er det nokon andre som har prøvd seg på ei slik korg? Eg gledar meg til å kjenne på garnet. Eg driv og drøymer om ting det kan brukast til... og så fine fine fargane!